Programi i studimit të ciklit të tretë Doktoratë në “Shkenca Sociale dhe të Sjelljes”, pranë Fakultetit të Shkencave Juridike, Politike dhe Marrëdhënieve Ndërkombëtare është program i riorganizuar i Doktoratës në “Shkenca Sociale” me Urdhër të Ministrit Arsimit dhe Sporteve, Nr. 111, datë 04/03/2022.

KRITERET E PRANIMIT NË PROGRAMIN E STUDIMIT

Aplikanti duhet:

• Të ketë fituar diplomën ‘Master i shkencave” ose “Master i Arteve”, apo diplomë të barasvlershme të fituar jashtë vendit dhe të njohur nga organet kompetente, në fushë të njëjtë ose të përafërt me studimet e doktoratës;
• Të ketë njohje të gjuhës së huaj (anglisht, frëngjisht, gjermanisht, italisht ose spanjisht) në nivelin B2, vërtetuar përmes testeve të njohura ndërkombëtare të cilat i përkasin një periudhe jo më vonë se 2 vjet nga koha e lëshimit të tyre. Nëse individi ka fituar një diplomë të një programi studimi të kryer në një nga këto gjuhë, diploma e fituar shërben si dëshmi për plotësimin e këtij kriteri.
• Të ketë notë mesatare të përgjithshme në ciklin më të lartë të studimeve 8 e lart, e llogaritur në bazë të grup-lëndëve karakterizuese të programit të studimit.
• Të jetë personel akademik i Universitetit Europian të Tiranës, ose personel akademik në një tjetër Institucion të Arsimit të Lartë, ose personel kërkimor në një institucion të kërkimit bazë ose të zbatuar.
• Të marrë përsipër përmbushjen e standardeve shkencore, akademike, ligjore dhe etike.
• Aplikanti duhet të hartojë një Projekt propozim bazuar në fushat e detajuara të programit të doktoratës dhe projektit kërkimor të drejtuesit të grupit, preferuar nga ai për udhëheqje.

Fushat e detajuara të programit të doktoratës, drejtuesit dhe projektet kërkimore

Për informacione të mëtejshme  kontaktoni: [email protected]