Spiro Brumbulli në Forumet UET “Vështirësia e kriptomonedhave është mungesa e njohjes së tyre si mënyrë pagese”
I ftuar në Forumet UET ishte Sekretari i Përgjithshëm i Shoqatës Shqiptare të Bankave, Z. Spiro Brumbulli, i cili në një bashkëbisedim me studentët e klubit të Menaxhimit “Philip Kotler” dhe të Financës “Adam Smith” trajtoi çështjen më të përfolur globale të ditëve të sotme, siç janë kriptomonedhat.
Presidenti i UET, Prof. Asoc. Dr. Selami Xhepa, njëkohësisht edhe specialist ekonomie, e nisi aktivitetin duke u shpreh se “në epokën e njerëzimit, të paktën në historinë monetare, tri janë epokat qartësisht të dallueshme: epoka e monedhës mall, atëhere kur shkruhej mbi monedhë ‘in GOD we trust’, pastaj vjen epoka e parasë letër ku shkruhet ‘in goverments we trust’ sepse janë guvernatorët që e printojnë dhe tani kemi arritur në epokën e parasë elektronike digjitale ku duhet të themi ‘in blockchain we should trust’.
Specialisti i ekonomisë Z. Brumbulli, shpjegoi mënyrat se si po investohet në to, por gjithashtu gjatë pyetjeve të studentëve të Fakultetit Ekonomik, Biznesit dhe Zhvillimit në Universitetin Europian të Tiranës ai tregoj avantazhin që investimi në këtë sektor sjell, si pasurimi i shpejtë, globalizimi i “parasë”, por dhe më kryesorja transparenca e tyre. Gjithashtu ai përmendi disavantazhet e përdorimit për investim në kriptomonedha siç mund të jetë: mosnjehësimi i tyre në treg, si edhe risku i madh në destabilitet në bursat ndërkombëtare, duke mos harruar ndërkohë rrezikun e përfshirjes në aktivitete ilegale.
Ai e nisi analizën e tij duke pyetur në formë hipotetike se “një transformim i madh ka ndodhur në historinë financiare, pra do të thotë që banka është në dorën time është në një aparat smartphone, atëhere përse e duam bankën fizikisht?”.
Në zhvillim u pasua pyetja e studentëve të klubit “Adam Smith” dhe “Philip Kotler” në UET, se me krijimin dhe investimin në monedha elektronike dhe me zhvillimin e shpejtë të teknologjisë, do të kemi një humbje dhe zhvlerësim të parasë letër?
Sekretari i përgjithshëm i Shoqatës Shqiptare të Bankave, Z. Brumbulli iu përgjigj duke përforëcuar se “që të lirohet shërbimi bankar do të thotë që ne nuk duhet të lidhemi pas cash-it aq shumë. Nevojiten forma të tjera që ne mund të bëjmë transaksione, mund të kryejmë veprimet tona, të mbarojmë punët e përditshme nëpërmjet një forme tjetër paraje. Një para që ne nuk e mbartim, që nuk duhet të shkojmë në bankë apo ATM ta tërheqim cash, por që të jetë në një formë tjetër ajo duhet të ketë një konsesus të përgjithshëm që të pranohet nga të gjithë të tjerët. Pra nqs unë kam një monedhë të ndryshme nga kjo që është cash, dhe një shitës në një dyqan nuk e pranon, atëherë ajo është boshe, e gënjeshtërt, fallco, jo reale edhe nuk na shërben”.
.
Z. Brumbulli theksoi në fund të bisedës me studentët e UET se, pavarësisht faktit se ato kanë vlerë shumë të madhe nga shumë investues që investojnë në to, problematika e tyre është që akoma nuk është bërë një mjet i mirëfilltë pagese për shkak se nuk ka njohjen apo konsensusin e të gjithëve. Kjo problematikë është një faktor që mund të mos i kthejë monedhat elektronike në përdorim të përditshëm.
