[:en]Pedagogu i vitit 2019 në UET, ja fituesit për secilën kategori[:]

Në traditën shumëvjeçare të universiteteve perëndimore edhe Universiteti Europian i Tiranës ka vendosur këtë vit të shpalli pedagogun e vitit për tre kategori të ndryshme të pedagogëve në UET.

Të gjithë studentët patën mundësi për të votuar përmes emailit pedagogun e tyre të preferuar. Kategoria e parë është kategoria Profesor Seniour, e cila përfshin të gjithë ato pedagogë që kanë mbi 30 vite eksperiencë. Kategoria e dytë është kategoria Profesor. Dr dhe profesorëve të asociuar në UET si dhe kategoria e tretë, e cila është kategoria Lektor dhe Asistent Lektor. Mbi 1500 studentë kanë dhonë votën e tyre për çdo kategori duke nxjerë kështu Pedagogun e Vitit në UET. Për pedagogët më të votuar Bordi Drejtues ka vendosur te japi një Çertifikatë Vlerësuese, e cila shpreh jo vetëm mirnjohjen e gjithë stafit pedagogjik por edhe të studentëve të UET.

Në kategorinë Profesor Seniour, studentët e UET kanë votuar Prof.Dr Aleksandër Dhima, pedagog i Antropologjisë Social-Kulturore në UET i cili ka një përvojë 35-vjeçare në mësimdhënie në nivel (pas)universitar dhe përvojë 38-vjeçare në kërkimin shkencor. Gjithashtu duhet të përmendim që ka marrë pjesë me referate dhe kumtesa në 6 kongrese ndërkombëtare të Antropologjisë dhe në 12 konferenca shkencore me pjesëmarrje ndërkombëtare në Tiranë. Mesa duket Prof. Dr. Aleksandër Dhima ka dhënë një imakt të mirë te studentët e UET.

Në kategorinë Profesor. Dr është zgjedhur arkitektja e mirënjohur, Prof.Dr Elida Miraj e cila edhe pse ka vetëm dy vite që është në UET, ka arritur të marri shumicën e votave për këtë kategori. Duke qenë se tashmë në Universitetin Europian të Tiranës u hap profili i Arkitekturës e Trashëgimisë Kulturore, Prof. Dr Elida Miraj si një specialiste e kësaj fushe, a sheh formimin e profesionistëve të rinj si domosdoshmëri.

Në kategorinë e tretë, e cila ishte Kategoria Asistent/Lektor shumicën e votave e ka marrë Prof. Dr Sokol Ndoka i cili i përket Departamentit të Ekomiks dhe Financës nga Fakulteti i Ekonomisë, Biznesit dhe Zhvillimit. Për pesë vite Prof. Dr Ndoka, punon si pedagog i brendshëm në Universitetin Europian të Tiranës në degën e ekonomisë dhe financës.

Duhet përmendur që studentët e UET të fushave të ndryshme kanë vendosur ti japin prioritet atyre pedagogë të cilët janë relativisht të ri në UET. Një shumicë votash kishte edhe Prof. Dr. Enkeleda Prifti, e cila gjithashtu ka pak vite që është në UET, në Departamentin e Inxhinierisë dhe Arkitekturës. Pra edhe pse është një pedagoge e cila nuk ka një eksperiencë shumë vjeçare në UET ka arritur të tërheq studentët për ta votuar duke arritur shumë afër limitit me fituesin.

Të gjithë studentët e pesë fakulteteve në UET kanë pasur mundësinë të votojnë pedagogun më të mirë të vitit akademik 2019. Ky çmim u mundëson atyre të shprehin një shenjë mirnjohje ndaj pedagogëve të tyre dhe të tregojnë vlerësimin e tyre për mënyrën unike dhe krijuese në të cilën ata japin dijet e tyre. Të gjithë ata që punojnë në institucionet e arsimit të lartë dhe konkretisht në UET, luajnë një rol të rëndësishëm në frymëzimin dhe angazhimin e studentëve duke siguruar që ata të pajisen me aftësi për të pasur sukses dhe besim për të ecur më tej. Pedagogu i vitit është një traditë e vendosur në kuadër të njohjes së përsosmërisë mësimore dhe mbështetjes së cilësisë akademike. Megjithëse mund të ketë vetëm një fitues të përgjithshëm, është e rëndësishme të njihet dhe shpërblehet i gjithë stafi mësimor që ofrojnë përsosmëri të mësimdhënies sepse në UET të gjithë pedagogët janë të specializuar në fushat e tyre dhe kanë një eksperiencë të mirfilltë në profesionin që ata kanë.