Kolonia e Artit UET/ Artistët e rinj takim me mjeshtrat e pikturës
Universiteti Europian e Tiranës në bshkëpunim me Insitutitn Europian Pashko zhvilluan Kolonia e Artit 2019 me maturantë nga e gjithë Shqipëria të cilët kanë pasion artet pamore dhe pikturën në veçanti, ku u shpërndan edhe bursa talenti për më të mirët.
Kolonia e Arit u zhvillua për tre ditë me radhë, në zoën e Petrelës, ku maturantët kishin mundësi të gjenin frymëzimin e tyre. Larg zhurmave dhe rrëmujës së qytetit, të frymëzuar nga bukuritë e natyrës, të rinjtë kanë mbushur telajot plot me ngjyra dhe pasion. Teknikat për të realizuar projektet i kanë përzgjedhur vetë, nisur nga parapëlqimet dhe prirjet e tyre ndërkohë që kanë patur mundësinë të zgjerojnë njohuritë e tyre duke marrë leksione mbi artin pamor nga artistët e shquar si dhe kanë realizuar projekte të ndryshme në natyrë. Kjo punë intensive ka rezultuar në piktura dhe punime të shumta, të cilat me ngjyrat dhe shprehinë e tyre pasqyrojnë karakterin unik që secili pjesëmarrës shfaqi në këtë edicion të Kolonisë së Artit. Në Koloninë e Artit të rinjtë kishin mundësinë të marrin leksione për artin pamor, nga artistët e shquar dhe njëkohësisht mundën të shfaqin talentin e tyre duke punuar projekte në natyrë dhe në teknikat që ata vetë do të përzgjedhin.
Në fund, 3 prej të rinjve, Katerina Lanka, Xhenisa Kurti dhe Oltjan Tarellari përfituan bursë të plotë studimi, në degën e Arteve Pamore, në Universitetin Europian të Tiranës. Ky organizim është kthyer tashmë në traditë, pasi për 5 vjet Kolonia e Artit është zhvilluar në UET, duke e kthyer atë në një festival dhe ankand të pikturave të tyre për Shqipërinë e mesme.Tradita e Kolonisë së Artit në UET nuk është dicka e re por shihet si kolonia më e reklamuar që praktikohet për koleksionim nga sipërmarrës të ndryshëm të sektorit të artit. Ky bashkim është një nga elementët më bashkëkohore apo më konteporane të asaj që shihet si krijim i komunitetit të artistëve. Ky aktivitet mbështetet fort për të sjellë një mënyrë komunikimi dhe për të nisur një marketing të artit të piktorëve të rinj.
“Edicioni i përvitshëm i Kolonisë së Artit vijoi të grumbulloj rreth vetes talentet e reja për të promovuar dhe spikatur prurjet që shfaqen tek gjenerata e re. Tashmë vëmendja është tek brezi i ri, nën patronazhin e mjeshtrave të mëdhenj sic është Bujar Kapëxhiu, Abaz Hado, Shaqir Veseli dhe profesoresh Elida Miraj. Kjo përbën një risi sepse vëmendja do kaloj tek të rinjtë, tek ata që do pasojnë këtë traditë të shkëlqyer që është krijuar në Artet Figurative. Në këtë aktivitet erdhën maturantë nga e gjithë Shqipëria dhe e vecanta ishte që të gjitha punimet kishin këndvështrimet e tyre, stilin origjinal dhe pikpamjen e tyre rreth objektit të natyrës. Nuk patëm vetëm pjesë të realitetit por dhe pjesë të botëkuptimit të tyre, si luanin me ngjyrat, me dritën, me hijen dhe me një këndvështrim tërësisht origjinal. Kjo gjë i bëri përshtypje shumë edhe mentorëve të cilët ishin të ftuar atje, të cilët zhvendosën dhe kohën duke punuar rreth 13 orë pa pushim sepse të gjithë u përfshinë në atë prurje dhe zhvillim të artit që po ndodhte tek të gjithë maturantët. Dua të theksoj gjithashtu një interesim për Artet Pamore. Ky interes për Artet Pamore ishte jasht parashikimeve sepse me të vërtetë kemi patur pritshmëri për këtë degë por interesimi i ka thyer të gjitha pritshmëritë tona duke sjellë një fluks të jashtëzakondshëm sidomos për Artet Pamore. Ne jemi në epokën e qasjes së imazhit si pjesë e kominikimit dhe si formë e shprehjes artistike. Edhe pse ky Departament është i ri në UET po forcohet cdo ditë e më shumë, që në këtë vit është dhënë shenja e parë që kemi të bëjmë më një institucion të lartë arsimor me të gjitha dimensionet e tij në artet skenike, pamore dhe muzikore, ku studentët dita ditës në një farë mënyre po shndërrohen në koleg, bashkputorë me pedagogët drejt përmbushjes së këtij misioni të përbashkët të zhvillimit të artit në të gjitha përmasat e tij” – shprehet Ermir Lika, Përgjegjës i Departamentit të Arteve të Aplikuara ne UET.
Kolonia e Artit është një iniciativë, e ndërmarrë nga Instituti Europian Pashko në bashkëpunim me Departamentin e Arteve të Aplikuara në UET që synon të krijojë një komunitet të artistëve dhe të sjellë vëmendjen tek arti. Ky organizim është tashmë një traditë, duke e kthyer atë në një festival dhe ankand të pikturave të tyre për Shqipërinë e mesme. Piktorët të cilët kanë qenë pjesë e Kolonisë së Artit, vijnë nga një traditë e mjeshtri pikturimi por edhe kanë spikatur për modernitetin në skenën e arteve pamore. Edhe këtë vit ndonëse me një risi në formën e organizimit, promovimi i artit mbetet një nga qëllimet kryesore. Është mjaft e bukur ndjesia që përftohet në këtë aktivitet. Gara e brendshme që karakterizon të gjithë ata maturantë që e kanë pasion artin është një garë jashtëzakonisht e bukur, pasi nuk është e vrazhdë si një konkurs por është një garë e butë që reflekton dëshirën e madhe në një telajo.
