Universiteti Europian i Tiranës dhe Departamenti i Arteve Liberale hapi ekspozitën “Partizani që pikturoi luftën dhe paqen” me vepra nga piktori Andon Kuqali me rastin e 75-vjetorit të clirimit të Shqipërisë.

Ekspozita u drejtua nën kurimin e Prof. Dr.Abaz Hado dhe Pandi Madhi. Kjo ekspozitë hapet për herë të parë në ambjentet e Universitetit Europian të Tiranës, për studentët, pedagogët e UET dhe jo vetëm. Pikturat janë origjinale dhe shfaqen për herë të parë në UET. Përmbajtja e tyre mban një peshë të rëndësishme kulturore siç është dëshmia e Luftës së Dytë Botërore e cila shfaqet nëpërmjet artit. Universiteti Europian i Tiranës hap etapën e re të Departamentit të Komunikimit dhe Arteve Liberale me anë të kësaj ekspozite.

Belina Budini, Dekane e Fakultetit të Shkencave Humane, Komunikimit dhe Arteve Liberale thekson rëndësinë që ka kjo ceremoni dhe kjo ekspozitë për studentët e UET, veçanërisht për ata që studiojnë në këtë fushë.

“Është një nga aktivitetet që na e bën më të bukur këtë institucion, është një aktivitet i cili e ka theksin dhe vëmëndjen tek arti, tek e bukura,prandaj ne mund ta shijojmë, studentët gjithashtu. Kjo ekspozitë ka fuqinë ta bëj komunikimin më të lehtë me audiencën artdashëse. Fakulteti ka nderin dhe kënaqësinë të strehojë personalitete të nderuara të kësaj fushe dhe padyshim kjo ekspozitë ngacmon studentët nën shembullin e Abaz Hados që është edhe pedagog këtu tek ne. Kjo gjë duhet të kultivohet dhe të jetë prezente si prespektivë. Këto punime nuk janë publikuar më përpara pavarsisht se punët e tij janë të shumta dhe unë e përgëzoj departamentin në përgjithësi dhe Abaz Hadon bashk me kolegun e tij që i kanë sjell sot këtu këto vepra arti”, – shprehet Dekania e Fakultetit të Shkencave Humane, Belina Budini.

Prof. Dr. Abaz Hado, pedagog i jashtëm në UET dhe piktor në të njëjtën kohë fton studentët të shijojnë ekspozitën në ambjentet e UET. Kjo ekspozitë është vetëm fillimi për të sepse në vazhdim pritet hapja e një ekspozite tjetër nga ai vetë. Promovimi i atit dhe kulturës do të bëhet një traditë tashmë duke vënë theksin fort tek Fakulteti i Arteve Pamore, duke qenë se kohët e fundit ka patur një interes të paimagjinueshëm nga studentët për këtë fushë.

“Në Universitetin Europian të Tiranës, kam vënë re diçka, këtu të gjithë vinë me një ëndërr dhe largohen me ëndrrën e realizuar. Kjo ekspozitë shpjegon një fenomen të rëndësishëm të familjeve shqipëtare sepse kronikat e asaj kohe tregojnë qartë dhe të pastër nëpërmjet artit, Shqipërinë e aso kohe. Unë dua t ju them se do ketë edhe ekspozita të tjera në UET vazhdimisht për të komunikuar më lehtë me studentët. UET i hap derën gjithë atyre djem dhe vajza që kanë pasion diçka për ta vënë në funksion më vonë. Ne duhet të promovojmë vazhdimisht piktura, jo vetëm të piktorëve të shquar por edhe punime të studentëve dhe pedagogëve. Dua të theksoj në këtë ekspozitë vetë autorin e shquar Andon Kuqalin, i cili ishte i pari që bënte vizatimet e luftës të cilat shoqëronin traktet dhe botoheshin nga Lufta Nacional Çlirimtare. Përveç këtyre, ka vizatuar edhe figura të kohës, prandaj këto piktura që ne kemi këtu sot duhen vlersuar dhe shijuar në maksimumin e vet. Këto vepra vinë nga një histori e gjallë nga një njei i cili ka dhënë kontributin e tij deri në fund. La pas miq, la studentët e tij, një prej të cilëve jam edhe unë. I jam shumë mirnjohës për njohuritë që më ka dhënë dhe dua t ju them që duhet të punojmë fort si ai për të sjellë sa më shumë vepra arti”, -shprehet piktori Abaz Hado.

Pikturat janë të ekspozuara në ambjentet e UET, në hollin e Godinës A dhe është e hapur deri në datë 07.12.2019 për tu vizituar nga të gjithë ata që e duan dhe e vlerësojnë artin.

Leave a Reply

Your email address will not be published. Required fields are marked *