Këshilli studentor i UET  është organizim i pavarur i studentëve, i cili nuk zhvillon veprimtari politike dhe ekonomike. Ky këshill promovon pjesëmarrjen e studentëve dhe koordinon përfaqësimin e tyre në organet drejtuese të UET, në strukturat mësimore kërkimore dhe atë të shërbimeve. Këshilli i studentëve zgjidhet nga votat e studentëve dhe zgjedhja e tyre mbështetet në legjislacionin në fuqi. Këshilli i studentëve nuk mund të organizohet me struktura të tjera politike e jopolitike, jashtë UET-it. Këshilli i studentëve shpreh mendime dhe propozime për probleme me interes të përgjithshëm të UET-it, si për planet dhe programet e studimeve, rregulloret për veprimtaritë mësimore, të drejtën për të studiuar, cilësinë e shërbimeve, zhvillimin e veprimtarive të ndryshme kulturore, artistike, sportive etj. UET-i e mbështet Këshillin e Studentëve nga ana logjistike dhe mund të financojë projekte të tyre, përmes miratimit të një fondi vjetor. Përfaqësuesit e Këshillit të Studentëve në mbledhjen e tyre të parë, votojnë për të zgjedhur kryetarin e Këshillit, nënkryetarin dhe sekretarin. Fituesi zgjidhet me shumicë të thjeshtë. Anëtarë të Këshillit të Studentëve konsiderohen të gjithë studentët e ciklit të parë dhe të dytë të studimeve. UET si institucion privat i arsimit të lartë është pjesë në organizimin e këshillave të studentëve në nivel kombëtar: