Drejtori i SIGAL Pension Fund në UET: Investoni për pension privat

Departamenti i Ekonomiksit dhe Financës në UET organizoi dje një takim të hapur me temë “Produktet Financiare me karakter investimi në industrinë e sigurimeve dhe fondeve të pensioneve”, ku i ftuar ishte Drejtori i Përgjithshëm i SIGAL Pension Fund, Elvis Ponari

Shpeshherë na merr rrjedha e jetës, fluksi në punë, apo në çdo aspekt tjetër të jetës dhe mendojmë se koha për të përfituar pensionin është shumë larg. Por gjithmonë duhet menduar se edhe ajo ditë do vijë, ndoshta më shpejt nga sa e kishim menduar.

Por a keni dëgjuar ndonjëherë për pensionet private? Ato janë lloje pensioni që mund të vendosni për t’ju ndihmuar të kurseni para për moshën e tretë.

Vlera e pensioneve privatë zakonisht bazohet në sa para keni paguar dhe si performojnë investimet tuaja. Këto pensione janë të përcaktuara në bazë të kontributeve tuaja, që do të thotë se paratë që merrni në pension bazohen në paratë që keni paguar dhe performancën e investimeve tuaja.

Në dallim nga pensioni shtetëror, pensioni privat i SIGAL LIFE UNIQA ofron më shumë fleksibilitet në kontribute dhe në rast fatkeqësie shumat e patërhequra janë pronë e trashëgimtarëve.

Në SIGAL LIFE UNIQA do të gjeni disa kategori pensionesh si;

• Pension pleqërie, kur mbush moshën për pension sipas ligjit për Sigurimet Shoqërore Shtetërore. Vlerën e kontributit dhe kohën e tërheqjes së tij e përcaktoni vetë.

• Pension të parakohshëm: 5 vjet para se të mbushni moshën për pension, sipas ligjit për Sigurimet Shoqërore Shtetërore

• Pension invaliditeti: në rast sëmundje ose aksidenti gjatë kohës së sigurimit

• Pension familjar: në rast fatkeqësie të të siguruarit

Drejtori i Përgjithshëm i SIGAL Pension Fund, Elvis Ponari shpjegoi në UET se përfitimet që ofron pensioni privat janë nga më të shumtat dhe se mund të jetë një formë e mirëfilltë kursimi që ka edhe përqindjet e fitimit.

“Përfitimet që ofron pensioni privat janë të shumat. Një formë kursimi është se këto kontribute ne si kompani i investojmë dhe nga ky investim ka një kthim neto rreth 4 përqund në vit për 10 vite. Fitimi i shtohet në llogari punonjësit dhe kur investon ka më shumë para”, tha Ponari.

Kemi dëgjuar kushedi sa e sa herë që persona të ndryshëm ankohen për moshën në të cilën përiftojnë pensionin shtetëror. Në ndryshim nga ky i fundit pensioni privat ul edhe moshën e përfitimit të pensionit, qoftë për meshkujt apo dhe gratë.

“Personat që kanë pension privat i tërheqin paratë 5 vite më parë. Psh jo 65 vjet, por 60”, shpjegoi Drejtori i SIGAL Pension Fund.
Por gjithmonë jetës nuk i dihet dhe për çdo të papritur që mund të na ndodhë duhet dhe një “plan B” për përfitimin e pensionit të cilin t’i ke investuar.

“Nëse ndodh që personi mbetet invalid, i lind e drejta që fondet e pensionit t’i tërheqë pa asnjë penalitet”, tregoi më tej Ponari, ndërsa theksoi se pensionet private janë po ashtu të trashëgueshme.

“Pensionet private janë të trashëgueshme. Psh nëse ndodh ndonjë ngjarje trashëgohen tek familjarët. Po ashtu janë dhe të patjetërsueshme, nuk mund të jenë objet sekuestrimi apo konfiskimi, pasi janë të ardhura për moshën e tretë”, u shpreh ai.
Nga ana tjetër nëse një person i cili nuk ka mbushur moshën kërkon të tërheqë pensionin privat do të ketë dhë një penalitet për tërheqje të parakohshme.

“Nëse i tërhiqni kur të doni ka penalitete në bazë të viteve që po tërhiqni pensionin. Për pesë vitet e para 15% të shumës gjobë. Për 5-10 vitë bëhet 10% dhe mbi dhjetë vitë 2%. Por kjo përballohet nga fitimi që kë akumuluar”, shpjegoi Drejtori i Përgjithshëm.
Paratë që vendosni në pensionin tuaj privat zakonisht do të investohen në një sërë pasurish si bono thesari apo letra me vlerë.
Ndërsa sa i përket formës se si mund të investoni, Drejtori i Përgjithshëm i SIGAL Pension Fund, Elvis Ponari thotë se gjithçka varet nga mosha.

“Duke u bazuar tek mosha e re, me kontribute të vogla mujore, pasi kanë shumë vite për të investuar dhe mund të akumulojnë mjaftueshëm fondë për një pension të kënaqshëm. Më të moshuarit mund të paguajnë 10 vite njëkohësisht psh dhe më pas pagesa mujore”.

Personi i cili do të anëtarësohet për pensionin privat përveç formularit me të dhënat që plotëson dhe kontratës së pensionit, pajiset dhe më një kartë anëtarësie e cila ka kodin dhe pasëordin e saj, me të cilat mund të futesh online dhe të kontrollojë gjendjen e llogarisë. Kjo gjendje update-ohet çdo 24 orë.

Përgjegjësi i Departamentit të Ekonomiksit dhe Financës, Prof. Asoc. Dr. Elvin Meka tregoi interes sa i përket pagesave mujore që mund të bëjë një person i punësuar me një rrogë minimale në Shqipëri.

Duke ju përgjigjur interesit të profesor Mekës, Ponari sqaroi se kontributi më i vogël mund të jetë 10 mijë lekë të vjetra.

“Duke qenë se është vullnetar, mund të përcaktosh dhe të paguash për disa vite me radhë. Mbas disa vitesh, mund ta stoposh dhe gjithashtu mund të marrësh fitimin. Sërish mund të rifillosh të investosh kur të kesh mundësi financiare”, tha Ponari.

Sipas Drejtorit të SIGAL Pension Fund ka pasur dhe raste kur të gjitha të ardhurat e investuara për pensionin kanë shërbyer si një lloj trashëgimie për të afërmit.

“Kemi raste që kanë mbushur moshën dhe shumën kanë dashur ta lënë trashëgimi për familjarët. Ndërkohë kanë tërhequr vetëm fitimin”, tha Ponari.