University Law Competition

Fakulteti i Shkencave Juridike, Politike dhe Marrëdhënieve Ndërkombëtare, shpall thirrjen për shprehje interesi në konkursin që do të zhvillohet midis Fakulteteve të Drejtësisë shqip-folëse, në kuadër të projektit “University Law Competition”. Ky projekt zbatohet në bashkëpunim me “Halimi Foundation Institute”, “Euro Academy News” dhe Media Partner “Euronews Albania” dhe  ka në fokus organizimin e një gjyqi simulues në  format televiziv, ku studentë, përfaqësues të universiteteve shqiptare dhe jo vetëm, do të kenë mundësinë e zbatimit të njohurive teorike të grumbulluara gjatë viteve të studimit. Objektivat që synohen të arrihen përmes këtij projekti janë:

• Trajnimi dhe përgatitja e profesionistëve të rinj për tregun e punës.
• Edukimi juridik i shoqërisë shqiptare mbi çështje të caktuara juridike.
• Nxitja e institucioneve publike, universiteteve, organizatave jofitimprurëse etj, për të luajtur një rol aktiv në përgatitjen e të rinjve për tregun e punës.
• Identifikimi i universiteteve që garantojnë përgatitjen më cilësore të studenteve për vitin 2022.

Pranueshmëria:
Anëtarët e skuadrave pjesëmarrëse duhet të jenë minimalisht studentë të vitit të tretë

Afati për shprehjen e interesit: 10 Shkurt 2022

Ekipi i një fakulteti do të jetë i përbërë nga 5 individë: (i) tre anëtare të skuadrës që do të marrë pjesë në mbrojtjen e cështjes gjyqësore; (ii) një pedagog i cili do të mbikqyr skuadrën gjatë përgatitjeve; (iii) një perfqësues i fakultetit i sugjeruar për të qënë anëtarë i trupës gjykuese.Secilës skuadre do t’i vihet në dispozicion një kazus i përbërë, për të cilat duhet të pergatisin parashtrimet brenda një afati gati 2 mujor. Studentët do të trajnohen në: (i) Përgatitjen e parashtrimeve, përgatitjen e strategjisë së mbrojtjes, artikulimit juridik etj.; (ii) Të folurit në publik; (iii) Përgatitjen skenike dhe sjelljen para kamerave etj.

Struktura e gjyqit simulues:

• Faza eliminatore
• Faza çerekfinale
• Faza gjysmëfinale
• Faza finale.

Çmimet:

• Skuadra Fituese: 3000 Euro.
• Cmimi i Oratorise: 500 Euro.
• Cmimi i Hulumtuesit më të mirë: 500 Euro.

Shënim: Çdo pjesëmarrës do të pajiset me certifikatë mirënjohjeje.

Studentët e interesuar mund të shfaqin interesin përmes dërgimit të një e-mail në adresën elektronike: [email protected]

 Ju ftojmë të merrni pjesë!