UET organizator i spektakli për ditëlindjen e ‘Mark Tuenit’ shqiptar
Përgjegjësi i departamentit të Arteve të aplikuara në UET shpjegon gjatë intervistës se pse UET dhe pikërisht Departamenti që ai drejton ka marre si angazhim që të jetë një nga partnerët kryesor të shoët artistik që do të mbahet në mesin e muajit Janar në përvjetorin e 80 të ditëlindjes së nje nga autorët më të mirë satirik shqiptar.
1- Universiteti Europian i Tiranës është angazhuar së fundmi si një partner kryesor me një shoë artistik të shkrimatrit satirik, ose thënë ndryshe Mark Tëein shqiptar Pëllumb Kulla për 80 vjetorin e lindjes së tij. Ju në cilësinë e Përgjegjësit të Departamentit të Arteve të Aplikuar si është ndërthur ky angazhim mes studentëve dhe këtij spektakli?
Së pari duhet sjellë në vëmendjen e lexuesit dhe në vëcanti të publikut se kremtimi i këtij përvjetori jubilar, në nderim të njërit prej personaliteteve më të shquara të gjinisë së humorit në Shqipëri, qëmton të vlerësojë në një prej përmasave të tij më përfaqësuese edhe traditën e shkrimit në këtë zhanër, ku padyshim pena e z. Kulla, ka luajtur një rol thelbësor. Do të doja të vija theksin edhe në faktin se vepra dhe kontributi i Pëllumb Kullës është vazhduese e profilit shkrimor që krijuan dhe lëvruan më sukses të jashtëzakonshëm në letrat shqipe personalitete të tilla si Andon Zako Cajupi, Faik Konica, Nonda Bulka, Spiro Comora etj., si edhe faktin se ky arsenal i krijuar nga ky personalitet i unik në Letrat Shqipe, qëndron në bashkëkohësi me vlerat e patjetërsueshme që sollën për lexuesin shqiptar pena e Dritëro Agollit, Qamil Buxhelit, Niko Nikollës, plejadë në të cilën zë një vend të merituar edhe vepra Pëllumb Kullës. Parë në këtë aspekt, Departamenti i Arteve të Aplikuara në Universitetin Evropian të Tiranës, ka synim të njohë dhe të ndikojë në formimin artistik të studentëve duke njohur dhe zotëruar, deri në nivelin profesional të interpretimit skenik, kinematografik dhe televiz këtë vepër të rëndësishme, e cila përgatiti dhe përuroi në skenën dhe ekranin shqiptar emra dhe profile nga më të spikaturit në fushën e aktrimit dhe interpretimit.
2- Edhe pse Departamenti i Arteve të Aplikuara në UET ka vetëm dy vite që është hapur, dhe duket qartë që është shumë aktiv në organizime të ndryshme artistike, a do të ketë një ndërthurje mes brezash në këtë shoë?
Padiskutim që ky departament edhe pse më një hapësirë të kufizuar kohore, ashtu sikurse e përmendët edhe ju, pra vetëm dy vite të ngritjes dhe funksionimit të tij, ka në epiqendër të objektivave të tij, të ndërgjegjësojë studentët që kanë zgjedhur të ndjekin studimet pranë Universitetit Evropian të Tiranës që në thelb, ky departamenti ka për synim të mbështetet tek ajo traditë e pasur artistike që është krijuar dhe konsoliduar përgjatë një shekulli në vendin tonë dhe jashtë tij, por në të njëjtën kohë të përvetësojnë dhe të pasurojë edhe vlerat më të qëndrueshme dhe formuese nga repertori i traditës botërore në fushën e kulturës dhe arteve. Duke e vlerësuar këtë potencial të krijuar në të gjitha përmasat e rrokshme si edhe protagonistët e tij, pa asnjë mëdyshje përpjekja jonë në përafrimin edhe ndërthurrjen e brezave në skenë, përbën qëllimin për të respektuar dhe vlerësuar identitetin tonë artistik, si një ndër synimet kryesore në përparësitë e Deprtamentit të Arteve të Aplikuara.
3- Çfarë do të përmbaj ky shoë dhe kur do të jetë shfaqja?
Me qëllim që të mos shuajmë magjinë e surprizave në përmbajtjen e këtij shoë, më lejoni t’ju pohoj se në program do të ketë pjesë të përzgjedhura nga krijimtaria e Pëllumb Kullës, ku padyshim që do të ngjiten në skenë emra të mirënjohur të artit shqiptar, ndaj përfshirja e gjeneratës së re të artistëve në këtë projekt të rëndësishëm, do të përbëjë jo vetëm një nga risitë e këtij shoë, por do të shpalosë edhe një nga mesazhet më të rëndësishme për pararendësit, atë të cilën nuk e kemi hasur shpesh në këto vite të tranzicionit të tejzgjatur shqiptar: Mirenjohjen!
4- Profesor ju në background tuaj keni letërsinë dhe tektet artistike, si e vlersoni veprën artistike të Pëllumb Kullës?
Në librin e librave, pra në Bibël përmendet fakti se E para qe Fjala, ( Gjoni: 1/3 ). Nisur nga ky parim i gjithëkohshëm, duke njohur dhe besuar në misionin dhe rolin e njerëzve të letrave në proceset me vendimtare të historisë së vendit tonë, theksoj se opinionit publik duhet së pari të mund t’i japim atë të vërtetë në të cilën qëndrojnë vlerat që na përfaqësojnë si shoqëri, duke nxjerrë në pah rëndësinë e jashtëzakonshme që bartin njerëzit e mendimit dhe të shkrimeve në ruajtjen dhe integrimin e identitetit tonë kombëtar. Jam i prirur të mbivlerësoj, ndër të tjerë, krijimtarinë artistike të Pëllumb Kullës, e cila edhe pse e krijuar në periudhën e diktaturës komuniste, në kohën e represionit më të egër ndaj njerëzve të letrave, sepse dalengadalë ajo fitoi vëmendjen e mbarë popullit shqiptar dhe kohë pas kohe, krijimtaria e tij në mënyrë shumë të sofistikuar u shndërrua në tribunën e mendimit opozitar shqiptar, duke parapërgatirur vetëdijën shoqërore për transformimet e mëdha social – politike që do të ndodhnin në fillimin e viteve 90 të shekullit të lamë pas.
