UET vlerëson Majlinda Bregun me Çertifikatë Mirënjohjeje për lidershipin e saj frymëzues

Universiteti Europian i Tiranës ishte stacioni i parë i ndalesës së Majlinda Bregut pas kthimit nga Sarejva në shtëpi, në prag të mbylljes së dy mandateve në krye të Këshillit të Bashkëpunimit Rajonal. Për kontributin e dhënë ndër vite në krye të këtij institucioni, por edhe në çdo detyrë që ka mbajtur ndër vite në poste ekzekutive dhe parlamentar, Bregu u nderua nga universiteti me Certifikatë Mirënjohjeje.

Një forum i dytë dhe një çmim mirënjohjeje e riktheu Majlinda Bregun në auditorët e Universitetit Europian të Tiranës. Në forumin e saj të parë në UET, në 2017, Bregu sapo kishte mbyllur kapitullin e një angazhimi shumëvjeçar në politikën aktive me Partinë Demokratike, ku kishte mbajtur disa poste të larta: ministre e Integrimit (2007- 2013), deputete e Kuvendit, drejtuese komisioni dhe këshilli për integrimin.

Dhe atëherë kur po flitej se cila do të ishte partia apo detyra e ardhshme pas largimit të “detyruar” nga PD-ja, ajo ndërmori një angazhim shumë të madh për karrierën dhe për vendin. Bregu pranoi në 2018 postin e Sekretares së Përgjithshme të Këshillit të Bashkëpunimit Rajonal, duke u bërë e para grua shqiptare që drejton një organizatë të rëndësishme rajonale.
Pas gjashtë vitesh, Bregu rikthehet në UET në një moment të ri të jetës profesionale. Sapo ka mbyllur dy mandatet në krye të Regional Cooperation Council (RCC), me një sërë bilancesh pozitive, por duke mbajtur enigmë angazhimin e saj të ardhshëm.

Në shenjë vlerësimi për lidershipin e saj frymëzues, përkushtimin e palëkundur për bashkëpunimin rajonal dhe integrimit europian të Evropës Juglindore; për rolin e luajtur në promovimin e dialogut, zhvillimit të qëndrueshëm dhe mirëqenies së rajonit; si dhe për fuqizimin e bashkëpunimit rajonal dhe forcimin e lidhjeve ekonomik-sociale dhe mbështetjen ndaj barazisë gjinorë të të rinjve, Universiteti Europian i Tiranës i akordoi Çertifikaën e Mirënjohjes, titull që jepet nga ky institucionin për kontribuuesit e të gjitha fushave në shoqërinë shqiptare.

Pas dhënies së vlerësimit, presidentit i UET, prof. asoc. dr. Selami Xhepa e cilësoi një personalitet me karrierë të shquar në vend, por edhe kolege të nderuar, një profesoreshë që vjen nga bota akademike, prania e së cilës do të nderonte katedrat universitare.
Xhepa vlerësoi më tej kontriubin e znj. Bregu në procesin e integrimit europian përmes pozicioneve që ka mbajtur ekzekutive dhe parlamentare, duke theksuar sjelljen e një frymë të re në politikën shqiptare.

“Është një kënaqësi dhe krenari që Shqipëria i ka dhënë një figurë të rëndësishme politikës jo vetëm rajonale, por pa diskutim edhe evropian dhe urojmë, e shpresojmë shumë që karriera e saj të zhvillohet shumë më tepër në përmasa dhe institucione të tjera, por dëshira jonë do të ishte që Majlinda të vijë pas sepse edhe Shqipëria ka nevojë për një figurë të rëndësishme dhe mund të luajë një rol të rëndësishëm në një moment të vështirë që po kalon Shqipëria në gjykimin tim, sidomos një figurë kyçe që mund t’i shërbejë realisht opozitës”, theksoi presidenti i UET.
Në përgjigje të ftesës së profesor Xhepës, znj. Bregu nuk pranoi të zbulojë angazhimin e ardhshëm të saj, duke lënë të kuptohet se i duhet një periudhë pauze pas viteve gjashtë viteve dinamike, angazhuese.

“Unë ende nuk jam kthyer në Shqipëri për të punuar profesor Selamiu dhe do të më duhet mbase në këtë kohën që të marr frymë nga vrulli i gjashtë viteve, kur nuk mbaj mend sa herë kam bërë dhe kam zhbërë valixhen dhe sa pak kam qenë në shtëpi, por jam e bindur që të gjithë të bindur se sot të gjithë janë mjaft të bindur për të ditur dhe kuptuar se çfarë është më e mira për veten.”

Bregu tha më tej se gjatë mbajtjes së detyrës së Sekretares së Përgjithshme të Këshillit të Bashkëpunimit Rajonal, u mundua bashkë me stafin t’i kthejë Shqipërisë atë për të cilën kishte më shumë nevojë: seriozitetin e bashkëpunimit të një procesi ndërkombëtar.
“Kur unë fillova detyrën, rajoni ishte vetëm me një plan për të zhvilluar një zonë të përbashkët rajonale.

Ajo zonë sot është një plan i përfshirë në planin që BE-ja ka për rajonin, që quhet Tregu i Përbashkët Rajonal. Ne u munduam që të mbërrijmë në një nivel tjetër të bashkëpunimit, duke krijuar shtyllë kryesore sot për procesin e anëtarësimit në BE. Pa një marrëveshje bashkëpunimi dhe pa forcuar nevojat së bashku, do të jetë e pamundur që rrugëtimi europian i vendeve tona të arrijë në fund.”
Ndër të tjera Bregu përmendi si arritje të dy mandateve të saj futjen e marrëveshjes rajonale Roaming, ku sot udhëtohet në rajon pa paguar por edhe në vendet e BE-së me tarifa të reduktuara. Po ashtu, ajo cilësoi si arritje futjen për herë të parë të një agjende të gjelbër për rajonin, e cila është sot kryefjala e një agjende botërore, duke renditur më tej edhe shtimin e sigurinë në biznes në rajon.

Bregu vlerësoi nderimin nga Universiteti Europian i Tiranës si pjesë të dialogut që ky institucion ka nisur me të rinjtë, duke shpresuar që ta vijojë edhe për shumë vite të tjera. Në fund ajo zgjodhi të jap një mesazh për të gjithë të rinjtë dhe angazhimin e tyre.
“Ju keni sot një ndërgjegjësim që është për t’u admiruar. Mbase edhe për shkak të informacionit online ju e dini shumë mirë se çfarë doni, e dini edhe modelin që doni, pavarësisht se herë pas here ne ju ofrojmë modele të gabuara.”