Dita e Sigurimeve në UET, edukimi mbi kontributet nis nga…

Shoqata e Siguruesve të Shqipërisë, zhvilloi një bashkëbisedim me studentët e Universitetit Europian të Tiranës për edukimin mbi sigurimet në Shqipëri

Shqipëria është vendi më i varfër sa u përket sigurimeve, me vetëm 30-35 euro për frymë, në një kohë kur vendet e tjera variojnë nga 100 euro për frymë e deri në 2200 euro në shtetet e Bashkimit Europian. Kjo situatë vjen si pasojë e një sërë faktorësh, ku më i rëndësishmi mbetet mungesa e legjislacionit, por edhe mentaliteti i vjetër i shqiptarëve, i trashëguar nga komunizmi, ku shteti duhej të kujdesej për këdo dhe për gjithçka.

Industria financiare jobankare në Shqipëri nuk është zhvilluar. Potencialet për këtë industri nuk janë zbuluar nga qeveritë, duke e nënvlerësuar dhe duke anashkaluar, ndoshta edhe për vetë faktin që vendi ynë ka shumë probleme, harrohet se kjo është një industri e rëndësishme dhe me shumë resurse.

Prezantimi i kulturës së edukimit mbi sigurimet në Shqipëri është një sifdë e rëndësishme shoqërore e cila kërkon kontributin e një game të gjerë bashkëpunëtorësh dhe përfituesish.

Pikerisht për këtë arsye, Shoqata e Siguruesve të Shqipërisë, per te dytin vit rradhazi organizon bashkebisedim me studentët në disa universitete të vendit.

Në orët e hapura me studentët synohet ndarja e informacioneve dhe e dijeve baze mbi sigurimet, rritja e ndërgjegjësimit dhe të vetbesimit të tyre për të kuptuar çfarë janë sigurimet, cilat janë sigurimet bazë dhe se përse është e rëndësishme që të sigurohemi, si edhe roli I sigurimeve per menaxhimin e rrezikut ne biznese dhe ne jetën e përditëshme.

Studentët e sotëm, si financierët dhe administratorët e ardhshëm të bizneve janë ndër të parët që kanë nevojë për rritjen e dijeve mbi sigurimet dhe ndërgjegjësim mbi rëndësinë qe kanë produktet siguruese në menaxhimin dhe minimizimin e rreziqeve te papritura në jetën e përditshme, për të patur një mbrojtje financiare sa më efikase, edhe në “ditët me shi” të biznesit të tyre.

Takimi me studentët ka një synim të caktuar. Të qënurit aktiv në tregun e sigurimeve dhe marja e infrmacionit përsa i përket ndarjes së rrisqeve sepse ndodhemi çdo ditë në përballje me rrezikun. Këtij prezantimi mbi kulturën dhe sigurimeve në Shqipëri iu bashkangjit një projekt i cili tregonte me detaje se për cfarë na shërbejnë sigurimet. Projekti kishte disa tematika kryesore mbi të cilat u bazua duke dhënë më tej të gjitha karakteristikat e tregut të sigurimeve të cilat theksohen më poshtë.

• Çfarë janë sigurimet dhe cila është mundësia e humbjes financiare.
• Parimet e një rreziku të sigurueshëm
• Tregu i sigurimeve (kompania, agjentët dhe brokerat)
• Kompanitë e sigurimit në Shqipëri
• Statistikat rajonale të sigurimeve
• Për cfarë duhet të sigurohesh
• 10 kompanitë e sigurimit më të mëdhaja në botë
• Risigurimet

Kuptimi dhe qëllimi i sigurimit është tek shoqëria e sigurimit, rrezik ky i cili gjendet në rrethin tonë, me anë të nënshkrimit të kontratës për sigurim. Në këtë mënyrë individi kërkon të mbrohet nga rreziku që mund t’i rrezikojë jetën ose t’i shkaktojë dëme. Ky projekt jo vetëm që zgjoi interes tek studentët e UET duke disutuar rreth tregut të sigurimeve por arriti ti edukojë ata në këtë fushë, sepse ky ishte dhe qëllimi kryesor i Shoqatës së Sigurimeve në Shqipëri.