Ndërmarrjet e vogla dhe të mesme 2.0, një kërkim i bazuar në raste studimore - Economicus

by, Erind Hoti

Abstrakt

Termi “Ndërmarrja 2.0” është një term i ri dhe në rritje që propozon ndryshime thelbësore në organizatë dhe në kulturën menaxheriale të ndërmarrjes, ndikuar nga aplikacionet dhe format e reja të komunikimit në Internet. Bazohet në principet e Web 2.0 që e vënë theksin tek bashkëpunimi, të mësuarit individual dhe organizacional nëpërmjet ndërtimit të proceseve më të hapura dhe inovative brenda ndërmarrjes, si dhe me partnerët, klientët dhe furnitorët, duke shfrytëzuar platformat e reja dixhitale për të ndarë, gjeneruar dhe filtruar informacion. Përdorimi i Web 2.0 në ndërmarrje nuk do të thotë vetëm të fusësh një teknologji të re, por gjithashtu të ndryshosh mënyrën e punës, strukturat organizacionale si dhe proceset e modelet e biznesit. Pas një prezantimi të termave “Web 2.0” dhe “Ndërmarrja 2.0”, në këtë punim do të testohet rezultati i analizës përmbajtësore ndërrastësore (crosscase content analysis) i 52 rasteve studimore të ndërmarrjeve që kanë adaptuar aplikacionet e “Ndërmarrja 2.0”. Do të vlerësohet statistikisht nëse ekziston ndonjë lidhje ndërmjet objektivave të biznesit që ndërmarrjet ndjekin nëpërmjet adaptimit të aplikacioneve të “Ndërmarrja 2.0” dhe madhësisë së ndërmarrjes, apo llojit të aplikacionit “Ndërmarrja 2.0” dhe madhësisë së ndërmarrjes, duke u fokusuar në mënyrë të veçantë në implikimet menaxheriale tek ndërmarrjet e vogla dhe të mesme