Përdorimi i mediave sociale për qëllime marketingu në institucionet e arsimit të lartë në Kosovë - Economicus

by, Gonxhe Beqiri

Abstrakt

Mediat sociale paraqesin një ndër metodat më efikase për të promovuar shërbimet dhe produktet e caktuara nga kompani apo institucione të ndryshme, duke kursyer në kohë, kosto dhe duke ndikuar në rritjen e aktivitetit socio-ekonomik. Përdorimi i mediave sociale për qëllime marketingu është në rritje e sipër dhe paraqet një ndër platformat më të avancuara që mund të përdoren për qëllimin e lartpërmendur. Institucionet arsimore kanë mundësi të mëdha që përmes mediave sociale dhe kanaleve të saj (e-mail, rrjetet sociale, blogjet, etj.) të rekrutojnë studentë të rinjë, mirëpo edhe të përmirësojnë nivelin dhe efikasitetin e shërbimeve të ofruara për studentët aktual. Qëllimi i këtij punimi është të shqyrtojë rëndësinë e përdorimit të mediave sociale në institucionet arsimore të nivelit të lartë në Kosovë. Sa aplikohet platforma e mediave sociale nga subjektet përkatëse për të ofruar shërbimet e tyre dhe sa ka ndikim në formimin dhe rritjen e interaktivitetit me studentë? Gjatë punimit është realizuar analizë empirike për këtë tëmë, analizë dhe interpretim i statistikave se si qëndrojnë institucionet e arsimit të lartë në Kosovë në raport me marketingun e aplikuar përmes mediave sociale. Rezultatet nga ky punim janë mbledhur përmes pyetësorëve të strukturuar dhe gjysmëstrukturuar në disa nga institucionet e arsimit të lartë në Kosovë. Rezultatet tregojnë që niveli i përdorimit të mediave sociale në institucionet e arsimit të lartë në Kosovë është në rritje dhe rekomandohet që marketerët të konsiderojnë metoda të reja dhe më të avancuara që ofrohen përmes platformës së mediave sociale për të zhvilluar marketingun e tyre