Zhan Viktor Ciko, përfaqëson një nga personalitetet më të dalluara në botën e artit dhe muzikës në Shqipëri. Karrierën muzikore e filloi si solist violinist dhe koncert-maestro në Teatrin e Operës dhe Baletit, duke u bërë më vonë Drejtor Artistik i tij në moshën 25-vjeçare. Karriera e tij u ndërpre kur u disiplinua nga regjimi komunist i asaj kohe. Më vonë, kthimi i tij dhe ndryshimet politike sollën një sërë arritjesh profesionale si Drejtor i Liceut Artistik, ku ndër të tjera krijoi Orkestrën virtuoze të Hargjeve, e njohur dhe e vlerësuar disa herë me shumë lavdi nëpër Evropë. Ai u nderua me Çmimin e Parë në Festivalin Botëror të Vjenës 2000, si dhe Çmimin e Madh të Komunës së Vjenës. Më pas u emërua Drejtues i Orkestrës Simfonike të RTSH (Radio-Televizionit Shqiptar) dhe për mbi 10 vjet ka shërbyer si Drejtor i Përgjithshëm i Teatrit të Operës dhe Baletit. Dirigjent i shquar dhe themelues i disa ansambleve, ai ka propaganduar vepra të vjetra dhe të reja të muzikës shqiptare, brenda dhe jashtë vendit. Muzikolog dhe profesor emeritus, është vlerësuar me titullin “Mjeshtër i Madh” nga Presidenti shqiptar, “Chevalier des Arts dhe Lettres” nga Ministria Franceze e Kulturës dhe “Ehrenkreutz für Wissenschaft und Kunst” nga Presidenti austriak, dhe është bërë qytetar nderi i disa qyteteve.