Këndvështrimi i një pretendimi civil në procesin penal

by, Dr. Çlirim Duro

Abstract

Padia civile në procedimin penal, si një e drejtë për kërkim dhe gjykim, është mjeti procedural i cili vë në lëvizje organin procedues dhe pushtetin gjyqësor për shqyrtimin
në themel të saj, në bazë të fakteve dhe karakteristikave të njëjta, së bashku me aktet penale, që sipas ligjit në fuqi vlerësohen dhe gjykohen në një proces të vetëm, me qëllim
dhënien e një vendimi të përbashkët si për akuzën penale ashtu edhe për pretendimin civil. Ky institut i të drejtës Procedurale Penale të RSH, ka rëndësi teorike dhe praktike,
pasi mbron interesa të ligjshme private, shtetërore dhe publike, duke reflektuar siç janë më poshtë: Në aplikimin dhe zbatimin e këtij instituti në praktikën aktuale gjyqësore, pasi
përgjithësisht për çdo vepër penale që parashikon ligji, kemi cenim të interesave të ligjshme të personave fizikë ose juridikë (privat ose publik). Në planin teorik paraqiten vështirësi konceptuale procedurale që pengojnë dhe vështirësojnë nga ana praktike kërkimin civil në procedimin penal sipas kërkesave ligjore. Trajtimi dhe konceptimi i drejtë i normave juridike respektive sjell logjikisht
instrumetalizimin e tyre, i cili shërben për mbrojtjen e të drejtave dhe interesave të ligjshme materiale të subjekteve të ndryshëm, gjë e cila realizohet nëpërmjet dhënies së
vendimit gjyqësor. Ky artikull, ka si qëllimi trajtimin teorik, që përfshin: konceptimin analitik të pretendimit civil në procedimin penal, analizën e normave dhe situatave juridike
respektive si dhe përshtatjen aplikative legjislative në zbatimin praktik, mbështetur mbi baza doktrinale dhe normative.