E drejta penale në mbrojtje të mjedisit

by, Doktorante Jonka Ceka

Abstract

Artikulli trajton të drejtën penale mjedisore, që është një fushë e re brenda së drejtës penale. Rritja e kriminalitetit ndaj mjedisit dhe nevoja për bashkëpunim për t’iu
përgjigjur atij, nisur edhe nga natyra ndërkufitare e dëmit mjedisor, ka sjellë evoluimin e legjislacionit penal mjedisor në Europë e më gjerë. Legjislacioni penal mjedisor në
Shqipëri e ka bazën në Kodin Penal, i cili nuk i mbulon të gjitha kundërvajtjet penale në dëm të mjedisit. Edhe shkalla e zbatimit të legjislacionit penal mjedisor është e
dobët, madje është fakt që shumë krime ndaj mjedisit përfundojnë në çështje civile apo administrative. Statistikat zyrtare të kundërvajtjeve penale dhe krimeve mjedisore
të treguara, si shprehje e zbatimit të ligjit penal mjedisor në vendin tonë, tregojnë se ai është i dobët dhe i paaftë që t’i përgjigjet gjerësisë dhe amplitudës së dëmit që i
shkaktohet mjedisit sot në vend Përafrimi me legjislacionin europian të fushës dhe aderimi në konventën e Këshillit të Europës për mbrojtjen e mjedisit nëpërmjet ligjit
penal, rekomandohen si zgjidhje të mundshme për përmirësimin e kuadrit ligjor dhe rritjen e mundësive për zbatimin e ligjit në vendin tonë.