Fitimi i pronësisë në ndërtesat e reja dhe njësitë e veçanta të tyre

by, Avokat Vangjel Kosta

Abstract

Në ndërtimet “e reja” praktika gjyqësore dhe ajo administrative e regjistrimit të pasurive të paluajtshme po ndeshet në vazhdimësi me probleme të ndryshme lidhur me mënyrën dhe kohën e fitimit të pronësisë mbi këto ndërtime. Duke marrë shkak nga këto problematika po hedh një vështrim krahasuese të kontratave tipike që lidhen me këto marrëdhënie. Në shumicën e këtyre kontratave ndeshim tipin e “ kontratës së sipërmarrjes” të cilën e gjejmë të lidhur, qoftë në rastin e
marrëdhënieve të pronarëve të truallit me subjektin tregtar që financon ndërtimin, apo realizon ndërtimin( në shumicën e rasteve këto dy cilësi ndërtues-financues bashkohen në të njëjtin subjekt), ashtu edhe në kontratat që ndërtues- financuesi lidh me personat që kërkojnë të bëhen pronarë të njësive të veçanta të objektit në ndërtim. Kjo praktikë shtron nevojën e debatit teorik, por edhe me vlerë praktike, mbi
karakteristikat e përbashkëta dhe dallimet ndërmjet këtyre kontratave, pra, të kontratës së “sipërmarrjes” dhe kontratës së “shitjes së sendeve të ardhshme” apo të ndeshur shpesh në praktikë me termin e “premtim shitjes”. Nisur nga afërsia e legjislacionit shqiptar me atë italian, një vështrim krahasues do të ishte i dobishëm.