Kuptimi i institutit të bashkëjetesës në legjislacionin shqiptar. Parimi i heteroseksualitetit si kufizim që bie ndesh me legjislacionin dhe jurisprudencën europiane

by, Juelda Lamçe PhD, Dokt. Yllka Lamçe

Abstract

E drejta për të pasur familje dhe mbrojtja e veçantë që asaj i garantohet nga shteti janë sanksionuar në nenin 53 të Kushtetutës shqiptare. Por për cilën “familje” bëhet fjalë?
Përdorimi i lidhëzës “dhe” në paragrafin 1 dhe 2 të nenit 53 dëshmon për ekzistencën e qartë të dy të drejtave të mirëpërcaktuara nga Kushtetuta: përkatësisht e drejta për t’u
martuar si dhe e drejta për të pasur familje. Në këtë kuptim, është e qartë se familja nuk njehsohet me institutin e martesës, por gjithashtu ajo mund të përfshijë në domethënien
e saj edhe institutin e bashkëjetesës.