Aspekte të legjislacionit për shoqëritë anonime (aksionare) të kuotuara në bursë në vende të ndryshme Europiane

by, Prof. Asoc. Dr. Edi Spaho

Abstract

Shoqëritë aksionare të kuotuara në bursë në vënde të ndryshme të Europës kanë të përbashkëtat e tyre, të ndikuara këto nga përshtatja e legjislacionit vendas me direktivat
përkatëse të Bashkimit Europian, por kanë dhe dallimet e tyre që i karakterizon ato, si pasojë e faktorëve të ndryshëm historikë, ekonomikë dhe sociale. Legjislacioni italian
nuk bën dallim midis shoqërisë aksionare me aksione të kuotuara në bursë dhe atyre të pakuotuara në bursë. Ai bën dallimin vetëm mes shoqërisë së kapitalit dhe shoqërisë së
personit. Shoqëria anonime është shoqëria më e përdorur në Francë. Formalitetet për shoqëritë me ofertë publike janë më komplekse se sa për shoqërinë anonime pa ofertë
publike. Ajo i nënshtrohet kontrollit të COB-it (Commission des Operations de Bourse). Legjislacioni gjerman, ashtu si ai italian, nuk bën ndryshim midis shoqërive aksionere
me ofertë publike dhe pa ofertë publike. Megjithatë Aktiengesellschaft (AG) është më e përdorur se sa Gesellschaft mit beschranktër Haftung (GmbH). Formalitetet për
themelimin e AG janë gjithashtu komplekse. Aksionet shoqërive aksionare në Greqi, AE, mund të shlyhen pjesërisht. Dy ose më shumë persona fizikë ose juridikë, grekë ose të
huaj mund të themelojnë një AE. Shoqëria themelohet me anë të një akti noterial që përmban statutin dhe që aprovohet nga Prefekti i Zonës ku shoqëria është e regjistruar.
Që të themelohet shoqëria në Mbretërinë e Bashkuar duhet të ketë një kapital themeltar minimumi 50 mijë sterlina dhe të paktën 2 aksionerë. Nëse vlera e aseteve bie nën 50%
të kapitalit, shoqëria duhet të mbledhë asamblenë e aksionerëve që të vendosë në lidhje me situatën.