Format e gërshetimit të aktivitetve artistike në UET i japin studentëve jo vetëm përgatitjen nga ana akademike në një universitet por të fitojnë përvojën e duhur në përballjen me tregun e punës.

Viti kalenderik 2019 edhe pse një vit i vështirë si pasojë e tërmetit të 26 Nëntorit ku humbën jetën 51 shqiptar në qarkun e Durrësit, Lezhës dhe Tiranës, studentët e Arteve të Aplikara në UET gjetën forcën për të dhënë një mesazh shprese dhe bashkimi duke zhvilluar tre aktivite qw nisënme  ekspozitwn e arteve figurative, me koncertin e Jazz&Rock në bashkëpunim me studentët e Akademisë Arteve dhe Liceut Artistik për të përfunduar me koncertin e Krishlindjeve. Mesazhi që këto tre aktivite të organizuara nga Departamenti i Arteve të Aplikuara në UET përcollën shpresë duke e zbutur disi traumën psikologjike që u kalua gjatë kësaj periudhe.

Artet në UET zënë fill herët, që me programin e studimit në Komunikim Dizajn, strehuar në Departamentin e Komunikimit dhe të Marrëdhënieve Publike, i cili prej dy vitesh vjen i ristrukturuar në Fakultetin e Shkencave Humane, Edukimit dhe Arteve Liberale. Reforma që shndërroi Universitetin Europian të Tiranës në një universitet të madh e gjithëpërfshirës, mundësoi që duke filluar nga viti i kaluar të gjithë maturantët e talentuar në arte të gjejnë hapësirën e tyre për të shndërruar pasionin në profesion.

Departamenti i Arteve të Aplikuar është një departament i ri në UET, i cili ngrihet në një traditë të pasur duke e respektuar dhe kultivuar traditën por edhe prurjet e bashkëkohësisë në artin modern. Kjo ndërthurje përcjell një atmosferë dhe krijon një potencial shumë të madh për të përgatitur studentët të cilët kanë zgjedhur të studiojnë në programet e e arteve të aplikuara në UET, dhe pse jo për të krijuar të gjithë hapësirën e duhur që të shpalosin kapacitetin e tyre artistik.

Studentët muzikës në UET, koncert  Jazz & Rock me gërshetimi e Akademisë së Arteve dhe Liceut Artistik

Ne në departamentin e arteve të aplikuar kemi të gjithë bindjen që kemi shumë studentë të talentuar, dhe kjo bindje ka ardhur nga shumë prova dhe organizime artistike që janë bërë në UET në kuadër të kurrikulave mësimore. Ky nerv i heshtur duhet trazuar, se ka shumë studentë të talentuar por që janë edhe të ndrojtur pasi janë shumë të rinj dhe pa përvojë artisike përballë publikut. Të gjitha këto organizime artistike, janë një gërshëtimi i leksionit në auditor, provat praktike që bëhën individualsht por edhe në grup duke i përfunduar në koncerte, shfaqje skenike teatrale dhe në ekspozita nga vetë studentët.

Këto forma të gërshetimit janë që studentët të përgatient jo vetëm nga ana akademke në nje universitet por të fitojnë përvojën e duhur për skena edhe më të mëdha se këto të UET.

Koncerti i xhazit dhe i rrokut në UET u bë në bashkëpunim me studentët e Akademisë të Arteve, Liceut Artisitk dhe studentëve të muzikës në Universitettin Europian i Tiranës, e cila ishte një risi që nuk ishte bërë më parë. Përgjegjësi i Departamentit të Arteve të Aplikuar në UET DR. Ermir Nika shpjegon se arti nuk duhet të ketë barriera dhe UET si një universitet që bashkëvepron me shumë institucione ka edhe një netëork shumë të gjërë e cila i vjen në ndihmë në radhë të parë studentëve të vet por edhe atyre që vijnë si bashkëpunues në organizime të tilla. Universiteti Europian i Tiranën ka një frymë shumë liberale pasi e konsideron universitetit pa asnjë kufi si diçka universale nga vjen vete termi universitet. Dhe ku më më mirë se arti mund të bëj bashkë duke ndarë shumë ide në funksion të përmisimt dhe rritjes së cilësisë dhe shkëmbimit të përvojave në fushën e artit, fushë e cila nuk ka dhe nuk mund të ketë kufij. Gjithashtu këto bashkëpunime janë edhe për të mos bërë ndarje të gjeneratës dhe për të dhënë një mesazh që u dha mjaft mirë gjatë zhvillimit të këtij koncert ku bashkëpunimi edhe gjatë provave ishte shumë i mirë dhe funksional.

Dhe po të vihet re në këtë koncert kishte gërshetim të disa gjeneratave ku repertori i këtij koncerti kishte pjesë artistike si muzikore dhe skenike të viteve të ndryshme, duke filluar nga vitet 50 deri ne ditët e sotme dhe kjo u arrit nga angazhimi i UET për ti bërë bashkë këta artistë të rinj, që për departamentin e Arteve të Aplikuara në UET është vetëm fillimi i këtyre bashkëpunimeve dhe organizimeve artistike, pasi duke qartë se studnetë kanë një qasje tepër pozitive e cila çliron vetëm mesazhe të mira dhe shpresëdhënëse për artin në Shqipëri. Gjithashtu ky gërshetim apo bashkëpunim midis Akademisë së Arteve dhe Liceut Artistik me Departamentin e Arteve të Aplikuara ka dhqn një mesazh të qartë që UET nuk është thjesht një kordinatë por është mundësi për të studiuar në programet e studimt të arteve të aplikuara.

Pedagogu i muzikës në UET Kristi Bello shpjegon se kjo në tashmë nuk është një gjë e re pasi që në villim të viti akademik në muajin tetor departamenti i Arteve të Aplikuara në Uet zhvilloi Java e Artit në UET ku përveç muzikës, aktrimit këngëve individuale dhe në grup u shoqëruar edhe më një ekspozitë e  arteve figurative të studentëve të UET.

Artisët e rinj të muzikës në UET do të risjellin këngën Kongresit të Lushnjes me rastin e 100 Vjetorit

“UET ka hyrë tashmë në vitin e dytë të themelimit të Departamentit të Arteve dhe ky nuk eshte aktiviteti i parë artistik që zhvillohet. Ka filluar vjet me krijimin e UET Band që interpretoi te Alumni Festival dhe vazhdoi me UET Arts Festival që i parapriu fillimit të këtij viti akademik. Jo me larg se para disa ditësh studentët e Arteve Pamore, Design dhe Arkitekturës zhvilluan ekspozitën “From Left to Right”, për të vazhduar me koncertin rock and jazz “Drums and Rums” dhe për të permbyllur vitin kalendarik me koncertin “Krishtlindje në UET” ku kishte interpretime të studenteve të Arteve Muzikore, dhe Arteve Skenike . Këto janë një sërë aktivitetesh që studentët e Arteve në bashkëpunim me klubin e arteve dhe departamentin kanë filluar të zhvillojnë dhe sigurisht që do të vazhdojnë edhe për vitin 2020. Nuk mund të ketë departament artesh pa pasur aktivitete artistike apo jo?”, u shpreh Kristi Bello. Gjithashtu pedagou i Kristi Bello zbullon se stduentët e arteve të aplikuar në UET do të risjellin këngë e kongresit të Lushnjes me rastin e kremtimit të 100 vjetori të këtij Kongresi. “Sa i përket kremtimit të 100 vjetorit të Kongresit të Lushnjes, duke ditur çfarë vendimesh u morrën në atë Kongres, është një ngjarje shumë e madhe që meriton të respektohet nga gjithesecili në mënyrën e vet. Arti ka gjuhën dhe hapesiren e vet të të shprehurit të gjërave dhe kush më mirë se studentët e UET nëpërmjet Artit mund të japë një mesazh të tillë për të gjitha gjeneratat?

Ekspozita e Leonardo  da Vincit në UET “From Left to Right”

Pedagogia e Arktitkurës por edhe e Arteve pamore pranë departamentit të Arteve të Aplikuara pranë Universitetit Europian të tiraëns shpjegon se ekspozitat janë një aktivitete normale për një universitet që ka në përbërjen e tij programe studime të artve pamore., pasi kjo i jep studentëve të kyre programeve iniciativën për të marrë më shumë nisma por edhe për të përfituar përvojën e duhur për tu përballur qoftë me publkin por edhe me tregun e punës. Këto nisma që tashmë në UET janë bërë traditë kryhen për të mos qenë strikt vetëm në programin mësimor që kanë gjatë vitit akademik por edhe për ti dhënë një kurojën e duhur studentit për tu ndjerë më të lirë për të shprehur veten edhe kur janë të kufizuar me një tematikë sic ishte edhe ekspozita e fundit që kishte si tematikë Leonardo da Vinci por edhe kur janë të lira. Kjo ekspozitë është realizuar në një kohë shumë të vështirë dhe është përfunduar për vetëm tre javë. Në kushtet e vështira natyrore që na solli tërmeti, të gjithë punuan fort për të gjitha veprat e artit që kemi tashmë në ambjentet e UET. Kjo ekspozitë është totalisht e studentëve të artit duke kontribuar edhe në kurimin e ekspozitës.

Të gjitha punimet e bëra nga studentët kanë një piknisje frymëzimi nga piktori i njohur Leonardo Davinçi. Studentët e Dizanj – Modë dhe të arteve pamore prezantuan veprat e tyre duke u nisur nga vepra të Davinçit. Ata shprehin se Davinçi ka një stil origjinal i cili e bën atë karakteristikë dhe frymëzues për ta. Nisur nga punimet e tij të famshme, studentët janë përpjekur të kapin stilin e tij për ta vënë në veprën e tyre.

“Pikturat e da Vinçit janë një frymzim i madh për ata që e duan artin, stili i tij është ndryshe nga të tjerët dhe veprat e tij janë aq mëdhaja tashmë sa disa prej tyre janë bërë edhe të pa shitshme. Këto punime kanë për qëllim ta kujtojnë atë jo vetëm në fushën e artit por edhe në fusha të tjera” shprehet studenti i degës së Dizanjit në UET. Në ekspozitën “From Left to Right” të studentëve të UET kishte nga të gjitha llojet e artit, piktura, dizanj, aksesorë, vizatime, punime dore dhe veshje të punuara me mjete primitive duke dhënë një rezultat të lart në fazën finale që ne shohim.

Leave a Reply

Your email address will not be published. Required fields are marked *